نصيحة غادي تغير النظرة ديالك على البكالوريا

نصيحة غادي تغير النظرة ديالك على البكالوريا

هضرو نيشان كاملين كانعرفو بلي الباك هو أو ساروت يمكن ليك تحل بيه أبواب المستقبل ديالك و بما أن الصفحة تخص التلاميد دالباكالوريا بالخصوص فمن الواجب علينا نقدمو ليكم بعض النصائح (خلي واحد جيم للتحفيز )

-أول حاجة بغيتكم كي ولاد ولا بنات تنساو عليكم التفلية داكشي ديال العلاقات و تقول بلي مرحلة و فايتة لا خصني ندوز الشباب ديالي راكم غالطين اخوتي
نهار تضمن المستقبل ديالك ديك الساعة دير لي بغيتي ماشي نتا مازال تاتقرا و باغي دوز كلشي و تنجح را مايمكنش

خاص الجدية فالعمل صافي غادي لليسي باش تقرا ماشي تفلا الى كنتي غا تفلا غير كمل على نعاسك حسن ليك العام الأول ضاع العام التاني تاهوا ااييه و فين غادي نفتارضو دفعتي استعطاف و باقي تاتفلا تا داز العام عاوتاني ديك الساعة باي باي مع السلامة

فاش غاادي تبقا عاصر فالدرب حاضي لي خارجين مع 12 و لي داخلين مع 2 عاد غادي تفيق من الgلبة و تبدا تبكي اا ميمتي اش داني را والله لا عقل عليك شي واحد
ولا تبقا تشوف صحابك لي قراو معاك خدامين و ميسر ليهم الله باش غادي تحس ??

ديوها فقرايتكم و بعدو من صحاب المصلحة و لي ماتاينفعك بوالو خلينا من الهضرة ديال صاحبي ولا هاديك صاحبتي روح للروح كون كانو نيت هكاك كون راه تايفكرو ليك لمصلحتك ماشي يغرقوك

-تانيا كانشوف بلي بزاف ديال الدراري و البنات ياربطو الفشل ديالهم بشي اسباب تافهة بحال با و مي ديما مخاصمين ولا ماعنديش فلوس فالجيب ولا با ماكايهضرش معايا ... اخوتي الله يستر عليكم حنا راه كاملين مغاربة و كانعيشو هادشي ولكن ماتخليش هادشي يفشلك بالعكس خاصو يفييقك و يحطك أمام أمر الواقع باش تحقق النجاح ديالك بدراعك ماشي تبقا تاتحلم تايفوتك التران :) ..

خلاصة كلامي :من جد وجد ومن زرع حصد


الإبتساماتإخفاء